Við þráðlaus staðarnet
Til að nota þráðlaus staðarnet þarf að búa til netaðgangsstað.
Notaðu aðgangsstaðinn fyrir aðgerðir sem krefjast tengingar
við internetið. Tengingu við þráðlaust staðarnet er komið á
þegar þú býrð til gagnatengingu með aðgangsstað að
þráðlausu neti. Þegar þú lokar gagnatengingunni er
þráðlausu staðarnetstengingunni einnig lokað. Einnig er
hægt að loka tengingunni handvirkt.
Hægt er að nota þráðlaust staðarnet meðan á símtali stendur
eða pakkagagnatenging er virk. Aðeins er hægt að tengjast
við einn aðgangsstað fyrir þráðlaust staðarnet í einu, en
nokkur forrit geta hins vegar notað sama aðgangsstaðinn.
Hægt er að nota þráðlaust staðarnet þó svo að ótengda sniðið
sé í notkun. Mundu að fara að öllum viðeigandi
öryggisreglum þegar þú kemur á og notar þráðlausa
staðarnetstengingu.
Ef þú færir tækið til innan þráðlauss staðarnets og úr færi við
aðgangsstað þess finnur reikiaðgerðin sjálfkrafa nýjan
aðgangstað fyrir tækið þitt innan sama nets. Á meðan þú ert
í færi við aðgangsstaði sem tilheyra sama neti getur tækið
þitt haldið tengingunni við það net.
Ábending: Til að kanna MAC-vistfang (media access
control) sem ber kennsl á tækið þitt, t.d. til að stilla
MAC-vistfang tækisins þíns á beini fyrir þráðlaust
staðarnet, skaltu slá inn *#62209526# á
heimaskjánum. MAC-vistfangið birtist.